Inicio
| Narciso Isa Conde ameçado polo regime de Uribe |
|
| Escrito por CCB Galiza | |
| jueves, 14 de agosto de 2008 | |
 Hoje, 13 de Agosto, foi entregue na Procuradoria Geral de República Dominicana umha carta em que se denunciam os planos de Uribe e da CIA contra um dos mais destacados membros da Presidência Colectiva da CCB e um dos mais conhecidos dirigentes da esquerda revolucionária desta ilha caribenha. Narciso Isa Conde é um amigo da causa nacional galega, que recentemente estivo no nosso país para participar numhas Jornadas organizadas por Primeira Linha, sendo recebido em várias sedes comarcais da CIG, entrevistado na Rádio Galega e convidado polo Clube Internacional de Imprensa. O documento a que fazemos referência foi entregue e apresentado ao presidente da Cámara de Deputados dominicana, Julio César Valentín por um mais de umha centena de militantes caamañistas. Esta denúncia tem lugar depois de que o ex-chefe paramilitar colombiano, Hebert Veloza, intimamente vinculada com o uribismo, tenha admitido numha entrevista publicada no domingo 10 de Agosto no jornal El Espectador ter sido responsável junto com o seu grupo armado polo assassinato de mais de três mil pessoas entre os anos 1994 e 2003. Contrariamente ao que a maioria dos meios de comunicaçom galegos publicam, o governo de Uribe nom é umha democracia modélica que defende a legalidade de um exemplar estado de direito frente a umhas supostas ameaças terroristas. O governo do Palácio de Nariño representa um regime de terror ao serviço das oligarquias que dominam a Colômbia desde há quase 200 anos, responsável pola miséria padecida pola imensa maioria da populaçom. Para se perpetuar ilegitimamente no poder, tem mudado a Constituiçom mediante o suborno de congressistas e senadores, e agora pretende dar outro golpe de estado institucional para voltar a ser reeleito. Uribe é o homem de Bush na América Latina, o que combate a insurgência guerrilheira e o movimento popular conta com o apoio dos Estados Unidos, com carta branca e licença para assessinar impunemente todo tipo de opositores. No dia 8 de Agosto, o Partido Comunista Colombiano PCC denunciava o assassinato do dirigente regional no Departamento de Arauca, Luis Mayusa Prada, membro também da força institucional Polo Democrático Alternativo. Eis a verdadeira face do governo de Uribe que Zapatero apoia junto a parte da Uniom Europeia. O Capítulo Galiza da CCB transmite ao camarada Narciso Isa Conde a nossa solidariedade e solicita do governo espanhol e da Junta de Galiza que adoptem as medidas necessárias para obter do governo da República Dominicana informaçom dos factos que denunciamos, transmitindo a preocupaçom sobre a gravidade da denúncia, e garantias políticas de que adoptará as medidas imprescindíveis e imediatas para evitar qualquer acçom violenta contra Narciso. Galiza, 13 de Agosto de 2008 Polo seu interesse reproduzimos traduzida para o nosso idioma cópia do documento. |
| < Anterior | Siguiente > |
|---|